Through the Pages of History

മലയാളത്തിൽ എഴുതിയ ആദ്യ യാത്രാവിവരണമാണ് വർത്തമാനപുസ്‌തകം. 1785 ൽ പാറേമ്മാക്കൽ തോമ്മാ കത്തനാരാണ് ഈ കൃതി രചിച്ചത്. കൊടുങ്ങല്ലൂർ രൂപതയിൽപ്പെട്ട കടനാട്‌ ഇടവക വികാരിയായിരുന്ന തോമ്മാ കത്തനാർ മറ്റൊരു സുറിയാനി കത്തോലിക്കാ പുരോഹിതനായിരുന്ന മല്പാൻ മാർ ജോസഫ് കരിയാറ്റിലും ചേർന്ന് 1778 നും 1786 നും ഇടയ്ക്കു നടത്തിയ ഐതിഹാസികമായ റോമായാത്രയാണ് ഇതിനാധാരം. അങ്കമാലിയിൽ കൂടിയ മലങ്കര യോഗത്തിന്റെ തീരുമാനമനുസരിച്ചാണ് നാട്ടുക്രിസ്ത്യാനികളുടെ യോഗക്ഷേമത്തിനായി റോമിലെ ഉപരിപഠനത്തിനു ശേഷം ആലങ്ങാട്ടു സെമിനാരിയിൽ അധ്യാപകനായ കരിയാറ്റിൽ മല്പാന്റെ നേതൃത്വത്തിൽ ദൗത്യ സംഘം യൂറോപ്പിന് യാത്ര തിരിക്കുന്നത്. തദ്ദേശീയനായ ഒരു മെത്രാനെ കൊടുങ്ങല്ലൂർ രൂപതയ്ക്കു ലഭിക്കുക, കത്തോലിക്കാ സഭയുമായി പുനരൈക്യപ്പെടാൻ തല്പരനായ മാർത്തോമ്മാ മെത്രാന്റെ കാര്യത്തിൽ അനുകൂല തീരുമാനമുണ്ടാക്കുക, വിദേശ മിഷനറിമാരുടെ ഇടപെടലുകളിലും നിന്നും സുറിയാനി ക്രിസ്ത്യാനികളെ മോചിപ്പിക്കുക തുടങ്ങിയവയാണ് അതിൽ പ്രധാനം. ലിസ്‌ബണിൽ എത്തി രാജ്ഞിക്കും റോമിലെത്തി മാർപാപ്പയ്ക്കും നേരിട്ട് നിവേദനം കൊടുത്താൽ പ്രശ്നപരിഹാരമുണ്ടാകുമെന്നായിരുന്നു യോഗത്തിന്റെ വിചാരം. 8 വർഷം നീണ്ട ക...

ജ്ഞാനപീഠ ജേതാവായ പ്രശസ്ത എഴുത്തുകാരനും, നാടകകൃത്തും നടനുമായ ഗിരീഷ് കർണാട്, തുഗ്ലക്ക് (1964), തലെദണ്ഡ (1990), ഡ്രീംസ് ഓഫ് ടിപ്പു സുൽത്താൻ (1997), രാക്ഷസ-തംഗഡി (2018) തുടങ്ങിയ ചരിത്ര നാടകങ്ങളിലൂടെ പ്രശസ്തനാണ്. വിജയനഗര സാമ്രാജ്യത്തിൻ്റെ പതനത്തെ ആസ്പദമാക്കിയുള്ള 'രാക്ഷസ-തംഗഡി' കർണാടിന്റെ അവസാന നാടകം ആണ്. 'ക്രോസിംഗ് ടു തളിക്കോട്ട' എന്ന് പേരിട്ട ഇംഗ്ലീഷ് പതിപ്പ്, അർജുൻ സജ്‌നാനിയുടെ സംവിധാനത്തിൽ 2019 ഒക്ടോബർ 2 ന് ബെംഗളൂരുവിൽ ആദ്യമായി അരങ്ങേറി. എന്നാൽ നാടകം അരങ്ങേറുന്നതിന് മുമ്പ് 2019 ജൂൺ 10 ന് തന്റെ 81-ാം വയസ്സിൽ ഗിരീഷ് കർണാട് അന്തരിച്ചു. തളിക്കോട്ട യുദ്ധത്തിൻ്റെ അനന്തരഫലങ്ങൾ ചിത്രീകരിക്കുന്ന ആമുഖത്തോടെയാണ് നാടകം ആരംഭിക്കുന്നത്. 1565 ൽ വിജയനഗര സാമ്രാജ്യത്തിൻ്റെ രാജ പ്രതിനിധിയായിരുന്ന അളിയ രാമരായരും നാല് ഡെക്കാൻ സുൽത്താന്മാരുടെ സംയുക്ത സേനയും - ബീജാപൂരിലെ അലി ആദിൽ ഷാ, ഗോൽക്കൊണ്ടയിലെ ഇബ്രാഹിം കുത്തബ് ഷാ, അഹമ്മദ് നഗറിലെ ഹുസൈൻ നിസാം ഷാ, ബിദാറിലെ അലി ബാരിദ് ഷാ - തമ്മിലാണ് ഈ സുപ്രധാന യുദ്ധം നടന്നത്. രാക്ഷസ, തംഗഡി ഗ്രാമങ്ങൾക്കിടയിലുള്ള സ്ഥലത്തു വച്ചാണ് ഈ യുദ്ധം നടന്നത്. രാമരായരുട ധാർ...

ജെയിംസ് അഗസ്റ്റസ് ഹിക്കി 1780 ൽ കൽക്കട്ടയിൽ ആരംഭിച്ച ബംഗാൾ ഗസറ്റ് ആണ് ആദ്യ ആംഗ്ലോ-ഇന്ത്യൻ പത്രം. 1783 സെപ്റ്റംബറിൽ ബ്രിട്ടീഷ് ആർമിയിലെ ഒരു ക്യാപ്റ്റനായിരുന്ന റിച്ചാർഡ് ജോൺസ്റ്റൺ മദ്രാസ് ആർമിയിലെ കമാൻഡറായ തന്റെ ഭാര്യാ സഹോദരൻ സർ ജോൺ ബർഗോയ്‌ന്റെ പിന്തുണയിൽ തനിക്ക് എന്തെങ്കിലും സ്ഥാനക്കയറ്റം ലഭിക്കുമെന്ന പ്രതീക്ഷയോടെ ഇന്ത്യയിലേക്ക് പുറപ്പെട്ടു. എന്നാൽ പ്രതീക്ഷിച്ചതുപോലെ കാര്യങ്ങൾ നടക്കാതിരുന്നപ്പോൾ ജോൺസ്റ്റൺ സൈന്യത്തിൽ നിന്ന് രാജിവെക്കുകയും ഫോർട്ട് സെൻ്റ് ജോർജ്ജിൽ ഒരു പത്രം ഓഫീസ് സ്ഥാപിക്കുകയും ചെയ്തു. അങ്ങനെയാണ് മദ്രാസ് പ്രസിഡൻസിയിലെ ആദ്യത്തെ പത്രമായ മദ്രാസ് കൊറിയർ പിറന്നത്. ബംഗാൾ ഗസറ്റിന് അഞ്ച് വർഷത്തിന് ശേഷം 1785 ഒക്ടോബർ 12 ന് മദ്രാസ് കൊറിയറിൻ്റെ ആദ്യ പതിപ്പ് പുറത്തിറങ്ങി. കോപ്പിക്ക് ഒരു രൂപ വിലയുണ്ടായിരുന്ന മദ്രാസ് കൊറിയർ അക്കാലത്തെ പ്രമുഖ ഇംഗ്ലീഷ് പത്രമായി മാറി. മുമ്പ് സെൻ്റ് ജോർജ്ജ് കോട്ടയുടെ സീ ഗേറ്റിൽ പ്രദർശിപ്പിച്ചിരുന്ന ഔദ്യോഗിക സർക്കാർ അറിയിപ്പുകൾക്കുള്ള മാധ്യമമായി ഈ പത്രം അംഗീകരിക്കപ്പെടുകയും ചെയ്തു. 1786 മാർച്ചിൽ ഈസ്റ്റ് ഇന്ത്യാ കമ്പനി കപ്പലുകളിൽ അച്ചടി സാമഗ്രികൾ ഇറക്കുമതി...

കർണാടക സംസ്ഥാനത്തെ മാണ്ഡ്യ ജില്ലയിൽ കാവേരി നദിയുടെ തീരത്താണ് ശ്രീരംഗപട്ടണം എന്ന ദ്വീപ് നഗരം സ്ഥിതി ചെയ്യുന്നത്. ഹൊയ്‌സാലരുടെ പതനത്തിനുശേഷം ശ്രീരംഗപട്ടണം വിജയനഗര സാമ്രാജ്യത്തിൻ്റെ ഭരണത്തിൻ കീഴിലായി. അളിയ (മകളുടെ ഭർത്താവ്) രാമരായരുടെ സഹോദരൻ തിരുമലരായർ പെനുകൊണ്ടയിൽ ചക്രവർത്തിയായി സ്വയം പ്രഖ്യാപിച്ചപ്പോൾ, തന്റെ മൂന്നു മക്കൾക്കുമായി രാജ്യം വിഭജിച്ച് അവരെ ഓരോ ഭാഗത്തിന്റെയും വൈസ്രോയിമാരായി നിയമിച്ചു: ശ്രീരംഗൻ ഉദയഗിരി ആസ്ഥാനമാക്കി തെലുങ്ക് രാജ്യം ഭരിച്ചു. രാമൻ കന്നഡ (കർണ്ണാടക) ദേശം ഭരിച്ചു. ശ്രീരംഗപട്ടണമായിരുന്നു അതിന്റെ രാജധാനി. വെങ്കട ചന്ദ്രഗിരി കേന്ദ്രമായുള്ള തമിഴ് രാജ്യത്തിൻ്റെ മേൽനോട്ടം വഹിച്ചു. തിരുമലരായരുടെ പിൻഗാമി അദ്ദേഹത്തിൻ്റെ മൂത്ത മകൻ ശ്രീരംഗരായർ (ഭരണകാലം: 1572-1585) ആയിരുന്നു. 1581 ൽ രാമൻ്റെ മരണത്തെത്തുടർന്ന് ബാലനായിരുന്ന അദ്ദേഹത്തിൻ്റെ മകൻ തിരുമല രണ്ടാമൻ ദളവ രേമതി വെങ്കടയ്യയുടെ റീജൻസിക്കു കീഴിൽ കർണാടക ദേശത്തിന്റെ വൈസ്രോയിയായി. 1585 ഓടെ തിരുമല വൈസ്രോയൽറ്റിയുടെ പൂർണ നിയന്ത്രണം ഏറ്റെടുത്തു. പുത്രസൗഭാഗ്യമില്ലാതിരുന്ന ശ്രീരംഗരായരുടെ മരണത്തെത്തുടർന്ന് അദ്ദേഹത്തിൻ്റെ ഇളയ സഹോദരൻ വെങ്കട, ...

ഇന്നത്തെ കർണാടകയുടെയും തമിഴ്‌നാടിന്റെയും ഭാഗങ്ങൾ ഉൾക്കൊള്ളുന്ന പതിനെട്ടാം നൂറ്റാണ്ടിലെ മൈസൂർ രാജ്യത്തിന്റെ ഭരണാധികാരിയായിരുന്നു ടിപ്പു സുൽത്താൻ. നാല് ആംഗ്ലോ-മൈസൂർ യുദ്ധങ്ങളിൽ ബ്രിട്ടീഷ് ഈസ്റ്റ് ഇന്ത്യാ കമ്പനിക്കെതിരെ നടത്തിയ നിരവധി വിജയകരമായ പോരാട്ടങ്ങളുടെ പേരിലാണ് ടിപ്പു ഓർമ്മിക്കപ്പെടുന്നത്. 1799-ലെ നാലാം ആംഗ്ലോ മൈസൂർ യുദ്ധത്തിൽ ബ്രിട്ടീഷ് സൈന്യത്തിനെതിരെ ശ്രീരംഗപട്ടണം കോട്ട സംരക്ഷിക്കാനുള്ള ശ്രമത്തിൽ അദ്ദേഹം വീരമൃത്യു വരിച്ചു. ടിപ്പു സുൽത്താൻ ഈസ്റ്റ് ഇന്ത്യാ കമ്പനിക്കെതിരായ യുദ്ധങ്ങളിൽ പുതിയ തന്ത്രങ്ങളും സൈനിക ചാതുര്യങ്ങളും പ്രയോഗിച്ച സൈനിക നേതാവായിരുന്നു. ഒപ്പം, റോക്കറ്റുകളും മറ്റ് അത്യാധുനിക ആയുധങ്ങളും അവതരിപ്പിച്ചുകൊണ്ട് അദ്ദേഹം തന്റെ സൈന്യത്തെ നവീകരിച്ചു. ചിലർ ടിപ്പു സുൽത്താനെ ഇന്ത്യയുടെ ആദ്യ സ്വാതന്ത്ര്യസമര സേനാനികളിൽ ഒരാളായി കണക്കാക്കുന്നു. 'Tipu Sultan: Indomitable Nationalist and Martyr' എന്ന പുസ്തകത്തിന്റെ രചയിതാവായ പ്രൊഫസർ ബി പി മഹേഷ് ചന്ദ്ര ഗുരു പറയുന്നതനുസരിച്ച്, "ഒന്നാം ഇന്ത്യൻ സ്വാതന്ത്ര്യസമരം നടന്നത് 1857-ൽ ആയിരുന്നില്ല. മറിച്ച് 1799-ൽ നാലാം ആംഗ്ലോ-മൈസൂർ ...

ടിപ്പുവിന്റെ പടയോട്ടക്കാലത്തെപ്പറ്റി രസകരമായ നിരവധി കഥകൾ പ്രചാരത്തിലുണ്ട്. ക്ഷേത്രങ്ങളും പള്ളികളും തകർക്കാൻ വന്ന ടിപ്പുവിനെ ദേവിയും മാതാവും പുണ്യാളനും കൂടി ഓടിച്ചുവിട്ട കഥകളാണവ. അവയിൽ ചിലതു നമുക്ക് നോക്കാം. ഗൂഗിളിൽ നിന്നുമാണ് ഇവ ലഭിച്ചത്. 1. വയനാട്ടിലെ പുൽപ്പള്ളിയിലെ സീതാദേവി ലവകുശക്ഷേത്രം: സമീപത്തെ നാട്ടുരാജ്യങ്ങളും നാടുവാഴികളെയും കീഴടക്കി ഇവിടെയെത്തിയ ടിപ്പു സുൽത്താൻ ഈ ക്ഷേത്രവും കാവും ഇടിച്ചു നിരത്തുവാൻ സൈനികരോട് കല്പ്പിച്ചു. എന്നാൽ സൈനികർ ഇവിടെയെത്തിയപ്പോൾ ചുറ്റുമെല്ലാം ഇരുട്ട് വ്യാപിച്ചു. സീതാദേവി അത്ഭുതശക്തിയാൽ നട്ടുച്ചനേരത്ത് സൂര്യനെ മറച്ചു ഇരുട്ടാക്കി ടിപ്പുവിനും പടയ്ക്കും ദിഗ്ഭ്രമമുണ്ടാക്കിയത്രേ. ഇരുട്ടിൽ ദിശ അറിയാതെ ടിപ്പുവും സൈന്യവും പരിഭ്രമിച്ചു. ഭയചകിതരായ മൈസൂർ സൈന്യം ക്ഷേത്രം കൊള്ളയടിക്കാനോ തകർക്കാനോ കഴിയാതെ തിരിച്ചുപോയി.  2. കൊച്ചിയിലെ പള്ളിപ്പുറം മഞ്ഞുമാതാവിന്റെ പള്ളി: കൊടുങ്ങല്ലൂർ, കുര്യാപ്പള്ളി കോട്ടകള്‍ കീഴടക്കി മുന്നേറിയ ടിപ്പു സുല്‍ത്താനും സൈന്യവും പള്ളിപ്പുറം പള്ളിയുടെ നേരെ തിരിഞ്ഞു. ഈ സമയത്ത് ഭയചകിതരായ പ്രദേശവാസികൾ മാതാവിനെ വിളിച്ചു കരഞ്ഞു പ്രാര്‍ഥി...

1991-ൽ ഇറ്റാലിയൻ ആൽപ്‌സ് പർവതനിരകളിലെ മഞ്ഞുപാളികൾക്കടിയിൽനിന്ന് ഒറ്റ്സി ദി ഐസ്മാൻ എന്ന 5,300 വർഷം പഴക്കമുള്ള നന്നായി സംരക്ഷിക്കപ്പെട്ട മമ്മിയുടെ കണ്ടുപിടിത്തം ഇരുപതാം നൂറ്റാണ്ടിലെ ഏറ്റവും മഹത്തായ പുരാവസ്‌തുശാസ്‌ത്ര കണ്ടെത്തലുകളിൽ ഒന്നായി കണക്കാക്കപ്പെടുന്നു. ഒറ്റ്‌സ്‌താൽ താഴ്‌വരയ്‌ക്ക് മുകളിലുള്ള പർവതങ്ങളിൽ കണ്ടെത്തിയതിനാൽ ആ പ്രകൃതിദത്ത മമ്മിയെ മാധ്യമപ്രവർത്തകർ 'ഒറ്റ്‌സി' എന്നു വിളിച്ചു. അന്നു മുതൽ സ്വന്തം മൃതാവശിഷ്ടങ്ങൾ, ധരിച്ചിരുന്ന വസ്ത്രങ്ങൾ, ഉപയോഗിച്ചിരുന്ന ആയുധങ്ങൾ എന്നിവയിൽ കഴിഞ്ഞ ഏതാനും പതിറ്റാണ്ടുകളായി നടത്തിയ പഠനങ്ങളാൽ ഒറ്റ്സി എന്ന മഞ്ഞുമനുഷ്യൻ ജനശ്രദ്ധയെ വളരെയധികം ആകർഷിച്ചു. ഒറ്റ്‌സിയെ കണ്ടെത്തിയ സ്ഥലം ഒറ്റ്‌സിയെ കണ്ടെത്തിയതെങ്ങനെ? 1991 സെപ്റ്റംബറിൽ പടിഞ്ഞാറൻ ഓസ്ട്രിയയിലെ ഒറ്റ്‌സ്‌താൽ താഴ്‌വരയിൽ നിന്ന് 10,530 അടി (3,210 മീറ്റർ) ഉയരത്തിൽ ടിസെൻജോക്ക് ചുരം മുറിച്ചുകടക്കുകയായിരുന്ന ജർമ്മൻ ഹൈക്കർ ദമ്പതികളാണ് 'ഒറ്റ്‌സി' എന്ന ഹിമമനുഷ്യനെ കണ്ടെത്തിയത്. ഓസ്ട്രിയയുടെയും ഇറ്റലിയുടെയും അതിർത്തിയിലുള്ള ഒരു ഹിമാനിയ്ക്കരുകിലൂടെ സഞ്ചരിക്കുമ്പോൾ മഞ്ഞുപാളിയിൽ കുടുങ്ങിക്കിടന്നി...